Sunday, 28/5/2017 | : : UTC+0
Mjeksia Islame
Mjeksia Islame

Papunësia në Kosovë mbi 35%


Papunësia në Kosovë mbi 35%


papunesiaAgjencia e Statistikave të Kosovës (ASK) ka publikuar anketën e fuqisë punëtore për 6 mujorin e parë të vitit 2012. Sipas kësaj ankete në Kosovë janë 35.1 për qind të papunë, ndërsa 23 për qind të punësuar. Në mostrën e kësaj ankete, del se 63.2 për qind të atyre që janë në moshë të punës janë ekonomikisht jo aktiv.

Kryeshefi i ASK-së, Isa Krasniqi ka thënë se shkalla e papunësisë është më e madhe në vendet rurale, te gjinia femërore dhe te të rinjtë. “Në bazë të të dhënave të kësaj ankete të fuqisë punëtore për 6 mujorin e parë të vitit 2012 del që 36.8 për qind janë ekonomikisht aktiv që do të thotë se janë të punësuar ose të papunësuar që kërkojnë punë. Po ashtu sipas kësaj ankete 63.2 për qind që janë në moshë të punës dhe janë ekonomikisht jo aktiv. Shkalla zyrtare e papunësisë në Kosovë për gjysmën e parë të vitit 2012 sipas anketës së fuqisë punëtore është 35.1 për qind”, ka thënë Krasniqi.

Sipas tij, krahasuar me anketën e fuqisë punëtore të vitit 2009, kjo anketë tregon se ka një zbritje të papunësisë prej 10.3 për qind. Ai ka thënë se përqindja e të papunëve në Kosovë në vitin 2009 ka qenë 45.4 për qind.

Ndërsa, përfaqësuesi i Bankës Botërore në Kosovë, Jan Peter Olters ka thënë se deri më tani ekonomia e Kosovës nuk është në gjendje për të siguruar një nivel të mjaftueshëm të punësimit dhe veçanërisht me një punë me para më të mëdha. “Kjo anketë ka bërë përpjekjet për të azhonuar normën e vjetërsuar të papunësisë për të avoluar shpeshherë nga anketat e vitit 2009 duke përdorur statistikat e anketës së fuqisë punëtore për 6 muajt e parë të vitit 2012. Madhësia e mostrës 18, 1 dhe individë në Kosovë kanë qenë të intervistuar duke përfshirë edhe veriun e vendit dhe intervalet e besimit të ngushta do të thonë se është e mundur për të prezantuar sot rezultatet në një nivel të mjaftueshëm të besimit”, tha Olters.

Një shkrim tjetër i dobishëm  DEKLARATË PËR MEDIA

Ai ka shtuar se punësimi është më i lartë te meshkujt se sa te femrat, dhe më i lartë në zonat urbane se ato rurale, ndërsa më i ulët në mesin e të rinjve. Ai ka thënë se këtu janë vetëm shifrat paraprake dhe së bashku me Agjencinë e Statistikave janë duke përgatitur një anketë më të detajuar.

Kjo anketë është realizuar nga Agjencia e Statistikave të Kosovës, Banka Botërore dhe nga UKaid. /Telegrafi/

Categories

Archives