Monday, 23/10/2017 | : : UTC+0
Mjeksia Islame
Mjeksia Islame

Më shumë gjumë, më pak stres! Përfitimet që kemi nga e fjetura

Më shumë gjumë, më pak stres! Përfitimet që kemi nga e fjetura

Gjumi është një ndër elementet më të rëndësishme në jetën tonë e cila na jep përfitime të pabesueshme shëndetësore. Pikërisht për këtë arsye duhet ti japim atij vëmendjen e duhur.

Ne po ju njohim me përfitimet:

Zvogëlon rrezikun e sëmundjes dhe atakut kardiak
Teksa flemë presioni i gjakut, ritmi i zemrës dhe niveli i frymëmarrjes rriten dhe bien. Ky proçes është i rëndësishëm për shëndetin kardiovaskular. Një meta-analizë e 17 studimeve që përfshinë 517,440 pjesëmarrës arriti në përfundimin se njerëzit që flinin 7-8 orë në natë kishin rrezik më të ulët për sëmundjet koronare të zemrës dhe gjithashtu treguan një rritje prej 11%  rreziku për ata që morën vetëm 6 orë gjumë.

Zvogëlon rrezikun e obezitetit dhe diabetit
Humbja e gjumit është një faktor rreziku për obezitetin dhe diabetin. Ajo shkakton një rritje të hormonit të urisë  dhe një rënie të hormonit të ngopjes, leptin. Gjithashtu ul ndjeshmërinë e insulinës.

Zvogëlon rrezikun e sëmundjes Alzheimer
Në sëmundjen e Alzheimerit, fragmente të proteinës beta-amiloide grumbullohen për të formuar pllaka të forta midis neuroneve në tru. Hulumtimet kanë treguar se privimi i gjumit rrit depozitimin e pllakave amiloide.

 Zvogëlon rrezikun e depresionit
Një numër studimesh kanë treguar se njerëzit me pagjumësi kanë një rrezik më të madh për zhvillimin e depresionit. Është interesante kur pacientët me pagjumësi dhe depresion u jepet një terapi njohëse e sjelljes për pagjumësi, simptomat e tyre të depresionit tentojnë të përmirësohen.

 Zvogëlon rrezikun e vdekjes së parakohshme
Një meta-analiza ka grumbulluar të dhëna nga 16 studime nga SHBA, Britania e Madhe, vendet e Europës dhe Azisë Lindore. Ajo përfshinte 1.382.999 pjesëmarrës meshkuj dhe femra, të cilët kishin plotësuar pyetësorët rreth kohëzgjatjes së gjumit. Ata u ndoqën deri në 25 vite dhe regjistruan 112.566 vdekje. Ata që flinin më pak se 7 orë në natë kishin 12% më shumë gjasa të përjetonin një vdekje të parakohshme sesa ata që vazhdimisht kishin 7-8 orë gjumë.

Një shkrim tjetër i dobishëm  Dëmet që i shkakton duhani gjatë shtatzanisë

 

Categories

Archives