Tuesday, 24/10/2017 | : : UTC+0
Mjeksia Islame
Mjeksia Islame

Kamberi: Bisedimet me qeverinë e Serbisë serioze për shkak të BE-së

Kamberi: Bisedimet me qeverinë e Serbisë serioze për shkak të BE-së

Kryetari i degës së PVD-së në Bujanoc dhe ish kryetari i komunës së Bujanocit Shaip Kamberi, ka thënë se se bisedimet që kanë filluar ndërmjet përfaqësuesve shqiptar dhe qeverisë Serbe tani janë serioz për shkak të obligimeve që ka Beogradi ndaj Bashkimit Evropian.

kamberi

Liderët shqiptar nga jugu i Serbisë, ku ka marrë pjesë edhe Kamberi, është biseduar me 10 tetor në Beograd me kryeministrin serb Ivica Daçiq për zgjidhjen e problemeve në komunën e Preshevës, Bujanocit dhe Medvegjës, të parapara me platformën e miratur në shkurt të vitit 2013, ndërsa është miratuar nga qeveria e Serbisë në qershor që njihet me emrin “Platforma në shtatë pika”.

Kamberi për agjencinë “Beta”, ndërsa transmeton presheva.com ka thënë se në takimin me kryeministrin serb është “biseduar haptas për të gjitha çështjet që përballen banorët shqiptar”.

“Duhet të jem i kujdesshëm për vlersimet rreth atij takimi, pasi edhe më herët ka pasë shumë procese të filluara të cilët më vonë nuk kanë sjellë deri te ajo që është pritur. Besoj se kësaj here bisedimet do të fillojnë seriozisht pëparpara për shkak të bisedimeve ndërmjet Serbisë dhe BE që pritet të fillojnë vitin e ardhshëm, ku njëri nga kushtet është edhe rrespektimi i të drejtave të pakicave kombëtare” ka thënë Kamberi.

Ai ka thënë se pas këtij takimi të parë është arritur marrëveshja që të formohen grupet punuese që do të merren me zgjidhjen e problemeve konkrete, por formimi i këtyre grupeve është nën juridiksionin e ministrive e jo të përfaqësuesve shqiptar.

“Qeveria serbe duhet të filloj me formimin e grupeve punuese për zgjidhjen e problemeve konkrete. Duhet të formohen ekipet e veprimit nga përfaqësues të ministrive të caktuara në përputhje me kërkesat nga platforma të cilën e ka miratuar qeveria e Serbisë, ndërsa ne do të japim njerëzit tanë në nivel lokal” ka thënë Kamberi.

Një shkrim tjetër i dobishëm  Nga policat kufitare, Kosova për 8 muaj fiton 13 milionë euro!

Sipas fjalëve të tij, koha e cila duhet që të formohen grupet punuese është tre muaj, ku edhe është caktuar takimi i radhës me kryeministrin serb.

Kamberi ka thënë se “ka probleme që i përkasin shqiptarëve nga Bujanoci, Medvegja dhe Presheva për të cilat nuk është biseduar në Beograd, pasi për to bisedohet në Bruksel, siç është reciprociteti rreth lejes për vizita të zyrtarëve serb në Kosovë në raport me lejen që zyrtarët Kosovar të vizitojnë këto komuna” ka përfunduar Kamberi. /presheva/

Categories

Archives