Sunday, 24/6/2018 | : : UTC+0
Mjeksia Islame
Mjeksia Islame

Hemorroidet (Majaselli) dhe mjekimi

Hemorroidet (Majaselli) dhe mjekimi

Hemorroidet (Majaselli) është sëmundje që zhvillohet te të rriturit,
veçanërisht te të moshuarit dhe shfaqet me zgjerimin dhe pezmatimin e venave të pjesës së poshtme të zorrës trashë (të rektumit) dhe të anusit. Sëmundja është me e shpeshtë te njerëzit që rrinë shumë ndenjur, që vuajnë nga kapsllëku i vazhdueshëm, nga mëlçia e zezë.

Shpesh majasëlli shfaqet te gratë shtatëzëna, te personat që përdorin shumë mishin, (veçanërisht të tymosur), në rastet me mahisje të zorrës së trashë dhe në rastet e përdorimit të mjeteve të forta purgative dhe të klizmave të shpeshta.

Shumëherë majasëlli shkakton nderlikime, midis të cilave vlen të përmendet rrjedhja e vazhdueshme e gjakut nga fshikëzat e fryra venoze, të cilat mund të jenë të shumta rreth anusit me madhësi sa një fasule e vogël.Ndërmjet masave që parandalojnë formimin e majasëllit rol të rëndësishëm luajnë rregullimi i të dalurit jashtë dhe zhdukja e kapsllëkut.

Masat kombinohen me një dietë të lehtë ;në kolitet duhen përdorur substancat që përmisojnë mahisjen dhe që zhdukin shkaktarin e sëmundjes.

Njerëzve që punojnë ndenjur u këshillohen banjat me ujë dhe shëtitjet e lëvizjet e rregullta e të vazhdueshme,kufizimi i mishit, mbajtja e dietës me perime dhe fruta,etj.

Për mjekimin e majasëllit kombinohen bimë ose preparate që qetësojnë dhembjet,ndalojnë hemoragjine dhe luftojnë kapsllékun.

Në bimët që rekomandohen kundër majasëllit hyjnë bishtamithi, boranica, plepi i zi, konet e qeparizit, manaferra, rigoni, bari i majasëllit etj.?????????????????????????

Më të njohurat në vendin tonë që mund të përdoren janë boronica, manaferra dhe rigoni.

* Boronica

Është shkurrëz deri ne 0.6 m e lartë,e zakonshme në pyje dhe në livadhe të zonave malore të vendit tonë. Lulëzon në Maj-Korrik, frutifikon në Korrik-Shtator. Bëjnë dobi frytet e pjekura dhe të thara si dhe gjethet e boronicës.

Përgatitja e përdorimi

Frytet merren nga goja në vartësi të moshës ( mesatarisht 5-10 gram ),përtypen dhe gëlltiten.

Përdoren në formë çaji, duke zhytur në një gote me ujë sasinë e fryteve të mësiperme, të cilat pasi mufaten, zihen lehtë.
Gjethet përdoren gjatë ditës në formë çaji, i cili përgatitet duke zier 2 lugë kafeje me gjethe boronice të grimcuar në një enë që përmban një gotë me ujë.

* Manaferra

Është shkurre shumë e përhapur gjithandej në vendin tonë.
Përdoren gjethet e thara të manaferres që përmbajnë tanine, acide organike etj.
Përdoren në forme çaji kundër hemorragjive të brendshme, heqjes së barkut dhe hemorroideve.

Përgatitja e përdorimi :

Dy lugë kafeje me gjethe të grimcuar zihen 15 minuta në një gotë me uje.
Çaji lihet në qetësi për një farë kohe, pastaj kullohet, pihen 2-3 doza të tilla në ditë.

* Rigoni

Çaji përbëhet nga pjesa mbitokësore e rigonit të kuq,
i cili është bimë barishtore shumëvjeçare, e zakonshme te ne nëpër vende barishtore dhe pyjore deri në zonat malore.
Rigoni përmbanë esence, substanca të hidhura, taninë etj.

Përgatitja e përdorimi

Nje lugë çaji me rigon të coptuar hidhen në një enë ku shtohet 1/2 gotë uji të valuar;
Ena mbulohet me kapak, lihet 15 minuta (me perzierje të herëpas hershme);
Përmbajtja kullohet dhe lëngu ëmbëlsohet, sipas dëshires me sheqer ose me mjaltë.
Pihen 1 deri në 3 doza të tilla në ditë.

Referencat

Shkëputur nga libri : “Bimët mjekësore në familje”

Categories

Archives