Friday, 22/9/2017 | : : UTC+0
Mjeksia Islame
Mjeksia Islame

Fakte mahnitëse për trurin

Fakte mahnitëse për trurin

truri
Madje një të pestën e oksigjenit që e thithim në çdo frymëmarrje, truri jonë e shpenzon për të kryer funksionet e veta
Cila pjesë përbën 1 deri 3 për qind të masës suaj trupore, ndërsa përdor 20 për qind të oksigjenit nga frymëmarrja juaj? Truri juaj. 

**Ja dhjetë fakte fascinuese për trurin njerëzor:

1.Truri juaj ka nevojë për furnizim të përhershëm me oksigjen. Dhjetë minuta të humbjes së oksigjenit më së shpeshti shkaktojnë dëme të konsiderueshme nervore. Ftohja mund të zgjasë kohën e mbijetimit te trurit, që është arsyeja pse viktimat e mbytjes në ujë të ftohtë,janë ngjallur edhe pas 40 minutash pa prani oksigjeni – mbijetojnë pa dëme nervore.

2.Truri juaj përdor një të pestën e sasisë së përgjithshme të gjakut në trup. Duhet të mbajë hapin me kërkesat e rënda metabolike të neuroneve. Truri nuk ka nevojë vetëm për glukozë, por edhe për oksigjen.

3.Truri juaj nuk ndien dhimbje. Nuk ka nerva që do të regjistronin dhimbjen në tru. Prandaj neurokirurgu mund të hulumtojë trurin derisa pacienti është i vetëdijshëm. Në atë mënyrë, mund të përdorë reagimin nga pacientët për identifikimin e zonave të rëndësishme, si të atyre të përdorura për të folur ose vizualizim.

4.Cerebelum ose si e quajmë “truri i vogël” peshon 150 gramë. Gjendet në anën e poshtme të pasme të trurit. Është i nevojshëm për drejtimin e trupit gjatë ecjes dhe për kryerjen e të gjithë lëvizjeve të koordinuara. Ka rol të madh në shqisën tuaj të nuhatjes.

5.Pesha mesatare e trurit njerëzor është pak më e madhe se 1.4 kilogramë. Truri i Ajnshtajnit ka qenë ndoshta më i vogël, sepse Ajnashtajni ka qenë pak më i vogël se njeriu mesatar. Ekziston lidhja e përgjithshme në mes madhësisë së trupit dhe trurit.

6.Truri i elefantit është shumë i madh – rreth gjashtë herë më i madh se ai i njeriut. Sido që të jetë, në krahasim më madhësinë e trupit, njerëzit kanë trurin më të madh se të gjithë kafshët, mesatarisht rreth 2 për qind me shume të peshës trupore. 
Truri i maces? Peshon rreth 28 gramë, ndërsa është pak më shumë se 1 për qind e peshës trunore.

7.Në tru gjenden rreth 160.000 kilometra të enëve të gjakut. Nëse do t’i zgjeronim, do të mund të rrethonim tokën më shumë se katër herë.

8.Nëse e keni trurin me madhësi mesatare, keni 100 miliardë neurone. Do të gëzoheni pas leximit të pikave në vijim.

9.Përafërsisht 85.000 neurone të neurokorteksit humben çdo ditë në tru. Fatmirësisht kjo kalon pa u vënë re për shkak të krijimit të tepërt të tyre dhe faktit që madje pas 3 vitesh kjo humbje merr më pak se 1 për qind te neuroneve. Shikoni faktin e mëposhtëm.

10.Hulumtimet e kohës së fundit tregojnë që truri vazhdon të prodhojë neurone të reja gjatë jetës. Po ashtu dëshmojnë që këtë e bën si përgjigje ndaj stimulimeve (bëni ushtrime për forcimin e trurit). Shkencëtarët këtë e quajnë plasticitet të trurit ose neuroplasticitet. Këtë mund ta pranoni si faktin më të favorshëm për trurin.

Një shkrim tjetër i dobishëm  E dini sa nxënës ka shkolla më e madhe në botë?

Categories

Archives