Kryeministri i Turqisë, Recep Tayyip Erdogan, deklaroi se, prapa grusht-shtetit ushtarak në Egjipt qëndron Izraeli, dhe se këtë pohim të tij mund ta argumentojë me dokumente konkrete.

“Ne posedojmë dokumente. Para zgjedhjeve në Egjipt, në vitin 2001, ministri i Drejtësisë zhvilloi në Francë një bisedë me një intelektual izraelit. Gjatë asaj bisede ai i thotë: ‘Edhe nëse zgjedhjet në Egjipt i fton Vëllazëria Myslimane, ajo prapëseprapë nuk do të mund të fitojnë, për shkak se demokracia nuk nënkupton vetëm kutinë e votimit’.

Pra kjo është ajo që është thënë, dhe kjo është praktika se si është vepruar”, theksoi kryeministri Erdogan.

Veç kësaj, kryeministri turk ka shtuar edhe atë se, gjatë protestave në Parkun Gezi, në Stamboll, turqit kanë arritur që t’i dalin zot vullnetit të popullit, dhe këtë gjë ia kanë bërë shumë qartë me dije gjithë botës. /Telegrafi/