Tuesday, 25/9/2018 | : : UTC+0
Mjeksia Islame
Mjeksia Islame

Diabeti – Zgjidhja Gjendet tek Ushqimi



Diabeti – Zgjidhja Gjendet tek Ushqimi

Kur bëhet fjalë për diabetin, zgjedhjet tona ushqimore janë shumë të rëndësishme.

Pavarësisht se disa ushqime janë më të mira se të tjerat,  kjo nuk do të thotë që duhet të ketë kufizime në larmishmërinë e ushqimeve që mund të konsumojmë.

Ka ushqime që etiketohen si tepër të këqija, por kjo nuk nënkupton se ato duhen shmangur tërësisht. Nëse konsumohen në sasi të vogla, këto ushqime ‘të këqija’ janë të padëmshme.

Megjithatë kur vjen puna tek vlerat, ushqyesit dhe aftësitë për të ndihmuar në menaxhimin e diabetit, gjithmonë duhen zgjedhur ushqimet më të mira.

Trupi ka nevojë për karbohidrate. Megjithatë zgjidhni me kujdes.

Drithërat

Zgjedhjet më të mira

  • Drithërat e plotë si orizi kaf dhe tërshëra
  • Patatja e ëmbël e pjekur
  • Ushqime të bëra me drithëra të plota dhe me pak ose më mirë aspak sheqer të shtuar

Zgjedhjet më të këqija

  • Drithërat e përpunuara si orizi i bardhë apo mielli i bardhë
  • Drithërat jo të plotë dhe me shumë sheqer
  • Buka e bardhë
  • Patatet e skuqura

Perimet

Zgjedhjet më të mira

  • Perimet e freskëta, të gatuara në avull, të pjekura ose në zgarë
  • Perimet e ngrira të gatuara me pak avull
  • Barishtet si spinaqi dhe rukola.
  • Perimet e konservuara por me pak ose me aspak kripë

Zgjidhni një menu shumëngjyrëshe me barishte të gjelbra, perime të kuqe, portokalli (karrota ose speca), të bardha (qepë) ose vjollcë (patëllxhanët). Duhet të konsumoni 2 filxhanë e gjysëm me perime në ditë.

Zgjedhjet më të këqija

  • Perimet e konservuara me kripë
  • Perimet e gatuara me shumë gjalpë, djathë ose salcë
  • Turshitë, vetëm në rastet kur duhet të kufizoni kripën, në të kundërt mund t’i konsumoni
  • Lakra turshi, për të njëjtat arsye si më sipër. Nëse vuani edhe nga tensioni i lartë i gjakut duhet t’i shmangni

Frutat

Plotësojnë nevojat për karbohidrate, vitamina, minerale dhe fibër. Shumica përmbajnë pak yndyrë por kanë më shumë karbohidrate se perimet.

Zgjedhjet më të mira

  • Frutat e freskëta
  • Frutat e ngrira ose të konservuara pa sheqer shtesë
  • Reçeli ose konserva frutash pa sheqer shtesë
  • Puretë e frutave pa sheqer shtesë

Zgjedhjet më të këqija

  • Frutat e konservuara me shurup dhe sheqer
  • Reçeli, konservat, kompostot e zakonshme (mund t’i konsumoni vetëm në sasi të vogla)
  • Pijet ose lëngjet me koncentrat frutash

Proteina

Zgjedhjet në këtë rast janë të shumta dhe përfshijnë mishin e viçit, pulës, peshkut, gjelit të detit, frutat e detit, fasulet, djathin, vezët dhe arrorët.

Zgjedhjet më të mira





Ekspertët e AgroWeb.org rekomandojnë:

  • Proteinat me bazë bimore si fasulet, arrorët dhe farat
  • Peshkun dhe frutat e detit
  • Pulën dhe shpendë të tjerë (Nëse është e mundur zgjidhni pjesën e gjoksit.)
  • Vezët dhe produktet e bulmetit me pak yndyrë

Nëse hani mish mundohuni të zgjidhni pjesët pa dhjamë. Nëse hani mish shpendësh hiqni pjesën e lëkurës.

Përfshini proteinat bimore nga fasulet, arrorët edhe nëse nuk jeni vegjetarianë ose veganë. Nëpërmjet tyre do të merrni ushqyes dhe fibër që nuk gjenden në produktet shtazore.

Zgjedhjet më të këqija

  • Mishi i skuqur
  • Mishi me dhjamë
  • Djathi
  • Lëkura e shpendëve të gatuar
  • Peshku i skuqur

Produket e bulmetit

Kujdes me yndyrnat dhe konsumoni sasi të vogla

Zgjedhjet më të mira

  • Qumësht i skremuar ose me 1% yndyrë
  • Kos me pak yndyrë
  • Gjizë me pak yndyrë
  • Kremërat e bulmetit me pak yndyrë

Zgjedhjet më të këqija

  • Qumështi i plotë
  • Kosi i zakonshëm
  • Gjiza e zakonshme
  • Kremërat dhe salcat
  • Akullorja e zakonshme

Yndyrnat, vajrat dhe ëmbëlsirat

Janë të pamundura tu rezistosh por të këqija për diabetin.

Zgjedhjet më të mira

  • Burimet natyrale të yndyrnave nga perimet si arrorët, farat dhe avokadot. (kanë shumë kalori ndaj kujdes me racionet)
  • Ushqimet e pasura me acidet yndyrore omega-3 si salmoni ose toni i peshkut
  • Vajrat bimore

Zgjedhjet më të këqija

  • Yndyrnat e plota të cilat i bëjnë keq zemrës. Lexoni etiketat dhe nëse në të shkruhet  “pjesërisht i hidrogjenizuar” mos e konsumoni, pavarësisht pretendimit se ka zero gram yndyrna.
  • Sasi të mëdha të yndyrnave të ngopura nga produkett shtazore apo vaji i arrës së kokosit ose palmës.

Këshilla e AgroWeb.org ështe se, nëse vuani nga diabeti është gjithnjë e nevojshme të konsultohuni me mjekun për kufizimet në ushqim./AgroWeb.org