Thursday, 19/10/2017 | : : UTC+0
Mjeksia Islame
Mjeksia Islame

Dhjetë faktorë për zhvillimin e dashurisë mes bashkshortëve

Dhjetë faktorë për zhvillimin e dashurisë mes bashkshortëve

martesa

Kush dëshiron t’i rritet kapitalit në llogarinë bankare, duhet të kërkojë mënyra për zhvillimin dhe rritjen e kapitalit të tij. Edhe ai që dëshiron të zhvillojë më tej dashurinë për gruan e tij, duhet të kërkojë mjete të përshtatshme për ta rritur shkallën e dashurisë dhe që të dy bashkëshortët duhet t’i përmbahen asaj.

Ne do të përmendim disa nga këto mjete:

1. Shkëmbimi i dhuratave, edhe pse simbolike, si vendosja e një trëndafili në jastëk para se të flejë, ka një magji të çuditshme. Një kartelë e vogël e zbukuruar mirë, ku i shkruan dy fjalë të bukura, ka ndikimin e saj, të hollat e harxhuara për blerjen e dhuratave do të të kompensohen me ndriçimin që do të shohësh në fytyrën e saj, me buzëqeshjet e ëmbla në buzët e saj. Lëvdatat, letrat dhe gëzimi duhet të shpërndahet në të gjitha këndet e shtëpisë. Por edhe gruaja duhet t’u japë rëndësi këtyre çështjeve.

2. Caktimi i kohës për t’u ulur së bashku dhe dëgjimi me vëmendje për njëri-tjetrin. Disa komentatorë të hadithit ishin befasuar nga heshtja e Pejgamberit sal-lallahu alejhi ue selm në hadithin që rrëfen Umu Zerra nga Aishja, Allahu qoftë i kënaqur prej saj.

3. Shikimet që reflektojnë dashuri dhe admirimi. Emocionet mes bashkëshortëve nuk duhen të jenë thjesht duke shkëmbyer fjalë dashurie ose kryerjen e detyrave, por këto veprime duhen bërë nëpërmjet sinjaleve pa fjalë, përmes shprehjeve të fytyrës, tingullit e zërit, shikimit të syve. Të gjitha këto janë kënaqësi emocionale dhe psikologjike.

A duan çiftet ta mësojnë artin e syve, artin e gjuhës së toneve të zërit dhe atë të shprehjeve të fytyrës? Për shembull, a e dini çfarë ndikimi të madh ka gjuha e syrit në zemra?

4. Përshëndetjet e ngrohta në hyrje dhe dalje, në udhëtim apo në telefon.

5. Lavdërimi i gruas dhe bërja e saj të ndihet se je xheloz për të dhe moskrahasimi me dikë tjetër.

Një shkrim tjetër i dobishëm  Disa këshilla për mbjelljen e vetëbesimit tek fëmija juaj!

6. Merrni pjesë së bashku në disa gjëra të lehta të tilla, si planifikimi për të ardhmen dhe në rregullimin e bibliotekës. Ndihmoje në përgatitjen e ndonjë ushqimi, për të rregulluar diçka për fëmijët apo shkruani nevojat për shtëpi dhe punë të tjera të lehta, të cilat janë shkak që ndërtojnë dashurinë mes jush.

7. Fjalët e mira, shprehjet emocionale dhe të ngrohta janë si një lloj deklarate dashurie për gruan. Mbill tek ajo ndjenjat se ajo është një dhuratë për ty nga i madhi Zot.

8. Mbledhjet e qeta, duke u kushtuar kohë për dialog dhe muhabet, të përziera me pak argëtim dhe të qeshur, larg nga problemet, nga fëmijët, britmat dhe grindjet e tyre ka një ndikim të rëndësishëm në intimitetin dhe dashurinë mes bashkëshortëve.

9. Bilanci mes pranimit apo refuzimit është një çështje e rëndësishme. Nuk duhet pranuar tjetri me një shkallë të tepërt e as nuk duhet refuzuar, që kjo të bëhet shkak që t’i shmangemi një ditë.

Dashuria e tepruar është e ndaluar. Duhet të kemi shumë kujdes në mbajtjen e kësaj balance dhe nuk duhet ta neglizhojmë këtë çështje sepse prej saj mund të lindin shumë probleme në jetën bashkëshortore.

10. Bashkëveprimi i dy bashkëshorteve në kohë krizash në veçanti, në rast se gruaja është e sëmurë, ka nevojë për kujdes, përkrahje konkrete dhe morale apo burri është i mërzitur për disa arsye, kërkon simpati morale apo që t’i qëndrohet pranë. Dhimbja për dhimbjen e tjetrit ka ndikimin më të madh në ndërtimin e miqësisë midis bashkëshortëve dhe i bën ata më të ngushtë dhe të dashur ndaj njëri-tjetrit.

Shkroi: Dr Ibrahim Duvejsh
Përshtati: Rashit Zylfiu

Tags:

Categories

Archives