Tuesday, 22/8/2017 | : : UTC+0
Mjeksia Islame
Mjeksia Islame
Tirana
0C

Britani, MI5 kërkoi të rekrutonte vrasësin

Britani, MI5 kërkoi të rekrutonte vrasësin

Shërbimet sekrete britanike, MI5, i kërkuan të dyshuarit për vrasjen e ushtarit Michael Adebolajo, të punonte për ta rreth gjashtë muaj para se të ndodhte vrasja makabre.

Abu Nusaybah, një mik i vrasësit, tha për BBC se Adebolajo e kishte refuzuar ofertën në fjalë nga shërbimet e brendshme të sigurisë.

Por, BBC nuk mundi të gjente konfirmim nga burime zyrtare për këtë deklaratë të Nusaybah, i cili u arrestua menjëherë pas intervistës në fjalë.

Policia metropolitane e Londrës deklaroi se 31-vjeçari u arrestua mbrëmjen e së premtes nën dyshimin për terrorizëm dhe se dy shtëpi u bastisën nga agjentët për kontroll, transmeton TCH.

Gjithësesi, policia saktësoi se arrestimi nuk lidhet direkt me vrasjen e ushtarit Drummer Rigby, që ndodhi përpara dhjetra njerëzve pasditen e së mërkurës.

Autorët e krimit të rëndë, Adebolajo dhe Michael Adebouale, që u arrestuan në vendin e ngjarjes, vazhdojnë të jenë të shtruar në spital pasi u qëlluan nga policia.

Në intervistën e tij, Abu Nusaybah deklaroi se dyshonte për një ndryshim të karakterit të mikut të tij pas burgimit të tij nga forcat e sigurisë gjatë një udhëtimi në Kenia vitin e kaluar.

Ai tha gjithashtu se shoku i tij i kishte thënë se ishte dhunuar fizikisht dhe seksualisht gjatë qëndrimit në burgun e vendit afrikan dhe se pas kësaj ngjarjeje ishte bërë një njeri i tërhequr dhe i mbyllur.

“Adebolajo më tha gjithashtu se pas kthimit nga Kenia ndiqej vazhdimisht nga agjentët e MI5-ës, të cilët trokisnin shpesh herë në derën e tij”, tregoi më tej Nusaybah. /Telegrafi/

Një shkrim tjetër i dobishëm  Muslimanët falin namazin e parë pas 90 viteve

Categories

Archives