Wednesday, 29/3/2017 | : : UTC+0
Mjeksia Islame
Mjeksia Islame

Baton Haxhiu më nxiti të flas kundër Rugovës


Baton Haxhiu më nxiti të flas kundër Rugovës


Adem Demaçi nuk i ka rënë pishman asaj që ka thënë për Ibrahim Rugovën. Madje ai vetëm sa e ka ashpërsuar gjuhën kundër ish -Presidentit të Kosovës. Thotë se Rugova ishte antivlerë dhe një i shkretë që i kërkoi Milosevicit të ndalej lufta. Por ,Demaçi pohon se nuk e kishte ndërmend të fliste për Rugovën, po të mos ishte nxitur.

adem demaqi

Adem Demaçi nuk dëshiron t’ua heq asnjë presje fjalëve të ashpra që ka thënë për kundërshtarin e tij Ibrahim Rugova.

Ai madje vetëm se i ka forcuar ato duke thënë se Rugova ishte një njeri shkret dhe një antivlerë.

Demaçi ka komentuar në një bisedë për Express edhe rreth deklaratave të Akademik Mark Krasniqit, i cili doli në mbrojtje të Rugovës duke thënë se do të ishte më mirë që Demaçi të kishte vdekur pasi ka dalë nga burgu.

“Të gjithë këta janë hyllë te një antivlere edhe kah të shkojsh edhe ashtu bahesh. Çfarë udhe të marrësh, cilit qëllim t’i shërbesh ashtu edhe bahesh. Këta i kanë shërbyer një politike kapitulluese, një politike dorëzuese, një politike moslëvizëse, një politike mjerane e të shkretë. Qaty është hyllë edhe i shkreti Mark Krasniqi. U ba ithtar i tij dhe e mashtroi me do premtime, anej knej, edhe mbet Marku në te. Edhe çka ka me ba Marku…” ka thënë Demaçi.

“Marku e don vdekjen time, por i madhi Zot është që i rregullon këto far punësh. E di që ka edhe asi që dëshirojnë me pas vdekë, e me vdekë tash e, mirëpo, kjo punë s’varet prej tyre” shton ai.

Por pse foli Demaçi kundër Rugovës? Ai thotë se gjithçka ka rrjedhur nga Baton Haxhiu.

“Unë kam mbajt një fjalim në “Pjetër Budi” për Nelson Mandelën. Për atë punë kam qenë i thirrur në kolegj. Masi që e kreva fjalën për Nelson Mandelën, organizatori tha në qoftë se e ka ndokush pyetje mundet me e ba. Atëherë, ishte bërë gati një gazetare që e kishte dërgu Baton Haxhiu i Klanit, edhe ajo i kish pas me mikrofon, me kamerë me krejt. E kish ditë që po mbahet tubimi për Neslon Mandelen. Edhe ajo ma bëri pyetjen sepse nuk e kam pas në rend të ditës me fol për Rugovën. Por, pasi ma bëri pyetjen, unë ose do të duhej me eskivu edhe me thanë, valla nuk është rendi me fol për atë punë ose me iu përgjigj. Unë pranova me iu përgjigj dhe e thash atë me pak fjalë se ka shumë me fol për të pabërat e Rugovës.

Shkurtimisht, i thash disa fjalë të vërteta për te. Edhe, unë, nuk jam ai që e kam nisur atë punë, por Baton Haxhiu me programin e vetë, ai e ka qu gazetarin, ata ma kanë bërë pyetjen edhe unë iu kam përgjigj asaj pyetje. Domethënë, unë jam kanë në një program krejt tjetër, por pasi doli puna që fola për vlerën e madhe, atëherë mu desht me fol edhe për antivlerën siç është Rugova. Dhe u ba mirë, u kompletua ai far muhabeti” është arsyetuar Demaci.

Një shkrim tjetër i dobishëm  Prodhimet e Serbisë më të pëlqyerat në Kosovë!

Më pas gjatë bisedës ai vetëm sa e ka forcuar retorikën kundër Rugovës.

“Ai (Rugova) i ishte zgërdhi Milloshevicit para televizionit të Serbisë, populli e ka pa dhe krejt bota e ka pa. E kanë dëgju kur ka thënë se duhet me ndalë luftën. E dinë krejt bota se e ka marrë aeroplanin e kasapit të Ballkanit, e atij që vrante, digjte e piqte e shkërmonte Kosovën, me aeroplan të tij e mori Familjen dhe disa dashamirë të vetë dhe iku e shkoi në Itali. Në atë kohë me lënë popullin dhe me shpëtu prapanicën tënde, këtë veç një frikacak i madh e bën dhe veç një antivlerë e bën. Heroi këtë punë nuk e bën. Kështu, që këto janë do të vërteta që dikujt i dhemb edhe Mark Krasniqit sepse krejt ato punë që i ka bërë deri më tash politike i kanë shkuar huq sepse është lidh gabimisht dhe s’kam çka me i ba” ka thënë Demaçi.

Sipas tij, Rugova është dashur ta pranojë gabimin qe e ka bërë.

“Nuk është turp në qoftë se vlerëson diçka gabimisht dhe me pranu dhe me thanë unë e kam vlerësuar gabimisht dhe sot jam në shërbim të kombit, në shërbim të atdheut. Ajo ka qenë çka ka qenë. Mirëpo, këta duke insistua edhe më shumë në atë gabimin e tyre dhe në atë vlerësimin e tyre të gabuar, e humbin të vetvetenkrejtësisht. Tash, kur ti donë me humb vetveten s’mundet me të mbrojt askush”

Demaçi ka komentuar më gjatë edhe deklaratat e Mark Krasniqit duke thënë se ‘Mark Krasniqi që është bërë i sinqertë e ka shpreh atë dëshirë që e kanë pasur që unë me vdekë në burg dhe mos me dalë prej burgut hiq’.

“Por, Zoti i madh deshti, dola prej burgut, edhe s’kam faj unë pse di me fol dhe me thanë të vërtetën. Jam fitues i çmimit “Saharov” dhe e kam dhënë betimin para Parlamentit Europianë që do ta mbrojë fjalën e lirë dhe mendimin e lirë që është edhe qëllim i këtij çmimi. Secili duhet ta kryejë detyrën e vetë dhe Marku mirë e paska thanë. E ka shprehë dëshirën e vetë, por ajo dëshirë e tij është një turp i tij” ka theksuar Demai.

Sido që të jet ai ka thënë se nuk ia dëshiron vdekjen Krasniqit.

“Unë për vete nuk dëshiroj që Marku me vdekë edhe pse i ka më shumë 90 vjet. Mundohem me i marrë çka ka të mira. Marku ka punu diçka në letërsinë për fëmijë. Sepse ka pasur probleme me ata të Akademisë serbe, kur ka punuar me të në Beograd. I ka mbrojt shqiptarët sa ka mundur në ato forcat e veta. Mirëpo, që është hyllë me Ibrahim Rugovën unë faj s’i kam”.

Categories

Archives