Saturday, 25/3/2017 | : : UTC+0
Mjeksia Islame
Mjeksia Islame

Autoritetet kineze ua ndalojnë ujgurëve muslimanë Ramazanin!


Autoritetet kineze ua ndalojnë ujgurëve muslimanë Ramazanin!


Autoritetet kineze ua kanë ndaluar ujgurëve myslimanë të cilët jetojnë në provincën Xinjiang dhe verilindje të Kinës agjërimin e muajit të shenjtë mysliman Ramazanin.

ujguret musliman

Kjo është një formë e shtypjes së komunitetit mysliman në Xinjiang, pasi në fund të qershorit, pjesëtarët e armatosur të policisë kineze pushtuan krahinën ku jetojnë ujgurët nën pretekstin e parandalimit të konfliketeve etnike me komunitetin shumicë , kinezëve Han.

Sipas hulumtimeve Komisioni Amerikan për Lirinë Fetare Ndërkombtare (USCIRF), kjo formë e diskriminimit të fesë zbatohet vetëm ndaj ujgurëve, ndërsa Ramazani nuk është i ndaluar në pjesën tjetër të Kinës, transmeton agjensia Anadolia.

Agjërimi u ndalua për shkak se autoritetet në Pekin janë të friguar se myslimanët gjatë muajit të shenjtë të Ramazanit mund të bashkohën dhe të kërkojnë pavarësinë e krahinës së tyre nga Kina.

Kjo është arsyeja pse disa anëtarë musliman të qeverisë në Xinjiang kanë qenë të detyruar të nënshkruajnë një “letër përgjegjësie” në të cilën premtojnë të mos agjërojnë, të kryejnë lutjet e përditshme dhe detyra të tjera fetare.

Gjithashtu, sipas USCIRF, drejtorët e kompanive në Xinjiang, gjatë muajit të Ramazanit të ofrojnë punëtorëve të tyre drekën. Të gjithë ata që refuzojnë të hanë drekën do të humbasin pagën e tyre mujore bile ta humbin ëdhë vendin e punës.

Gjithashtu, raporti i USCIRF thuhet se autoritetet kineze janë kërcënuar pronarëve të restoranteve nëse nuk punojnë gjatë Ramazanit do të gjobiten.

Në raport gjithashtu theksohet se të gjithë ata që dëshirojnë të marrin pjesë në namazet në xhami duhet paraprakisht të regjistrohen në regjistrin qendror, dhe u është ndaluar tubimi pran xhamive pas kryrjes së lutjeve fetare, përfundon AA.

Kush janë Ujgurët?

Në aspektin kulturor dhe etnik, Ujgurët i takojnë popullatës turke kurse nga ana fetare janë muslimanë, dhe jetojnë në krahinën perëndimore kineze Xinjiang. Konsiderohet se në Xinjiang ka rreth 8 milion Ujgur nga numri i përgjithshëm i popullatës, që numëron 20 milion nga territori i përgjithshëm. Bashkësia Ujgure tradicionalisht është bazuar në bujqësi dhe tregti. Shekuj me radhë qytetet tregtare ujgure në kufi me Afganistanin dhe Pakistanin, kanë qenë stacione të rëndësishme të mëndafshit mes Kinës dhe Evropës

Edhe Xinjiang ka një histori të gjatë të qeverisjes kineze. Ujgurët tradicionalisht kanë pasur lidhje kulturore dhe fetare me shtetet e Azisë qendrore. Me fillimin e shekullit 20 një kohë të shkurtër Ujgurët shpallën pavarësinë e Xinjiangut të sotshëm me emrin Turkestani Lindor. Por i gjithë regjioni hyri nën kontrollin e Pekinit pas ardhjes në pushtet të komunistëve në vitin 1949. Gjatë viteve të fundit, grupe të Ujgurëve shumë herë organizuan kampanjë separatiste „të një intensiteti të vogël“ me sulme sporadike kundër forcave kineze dhe simboleve të qeverisë. Por pas 11 shtatorit në SHBA, Kina me të madhe Ujgurët i paraqet si terrorist, duke thënë se janë të lidhur me Al-Kaidën , edhe pse ka ofruar shumë pak argumente për ti vërtetuar këto thënie. Organizatat për të drejta të njeriut flasin për qindra Ujgur të paditur që zyrtarët kinez i kanë arrestuar pasi i akuzojnë se janë të lidhur me terroristët.

Shumë Ujgurë i ofendon ajo që e konsiderojnë si mbytja kineze e kulturës dhe identitetit ujgur, si dhe politika e favorizimit të popullit Kinez, si popull dominues në Kinë. Xhamiave u ndalohet thirrja e ezanit, por jo vetëm kjo, partia komuniste kontrollon caktimin e imamëve. Gjithashtu, muslimanëve u ndalohet që të organizojnë shkuarjen në haxh në mënyrë të pavarur, dhe që shkuarjen e kontrollon pushteti. Ujgurët thonë se nxitja e Kinezëve nga ana e Pekinit është e drejtuar drejtë shfarosjes së kulturës ujgure, dhe margjinalizimit ekonomik të tyre. Por nuk janë të gjithë ujgurët kundër pushtetit kinez, ka edhe prej atyre të cilët kanë pozicione në pushtet dhe në partinë komuniste, siç është kryesuesi i Xinjiangit, Nur Baikeli.

Xinjiang një krahinë e thatë dhe malore, mbulon gjithë Kinën perëndimore dhe kap 1/6 e sipërfaqes së përgjithshme të tokës, apo ka një hapësirë tre herë më të madhe se Franca. Edhe pse rrallë i populluar posedon rezerva të naftës dhe pasuri xeherore, dhe është krahinë lidere në Kinë për prodhimin e gazit natyral. Përveç kësaj ka edhe një „artikull“ rezervë shumë të rëndësishëm, hapësirën.Në vitet 1960 dhe 1970 Xinjiang është përdorur si vend ku janë kryer shumë teste nukleare, si pjesë e programit kinez për armatim nuklear. Nga gjithë kjo Xinjiang është vend strategjik sepse kufizohet me Rusinë, Mongolinë, Kazakistanin, Kirgistanin, Taxhikistanin, Afganistanin, Pakistanin, dhe Indinë.

/Mesazhi/I.Azizi

Një shkrim tjetër i dobishëm  I ofrojnë 1 milionë dollarë të heqë mjekrën, refuzon

Categories

Archives