Thursday, 27/7/2017 | : : UTC+0
Mjeksia Islame
Mjeksia Islame
Tirana
0C

Askush nuk ka folur që në djep përveç tre vetëve

Askush nuk ka folur që në djep përveç tre vetëve

femijet

Ebu Hurejra (Allahu qoftë i kënaqur me të!) tregon se Pejgamberi , sal-lallahu alejhi ve sel-lem, ka thënë: “Askush nuk ka folur që në djep përveç tre vetëve:
1. Isai alejhi selam.
2. Ka qenë një njeri nga Beni Israilët, i quajtur Xhurejxh. Një herë, teksa po falej, i erdhi e ëma dhe e thirri. Tha (me vete): “T’i përgjigjem asaj apo të vazhdoj faljen?” (Nuk iu përgjigj së ëmës dhe vazhdoi faljen). Nëna e tij tha: “O Allah! Mos e lër të vdesë derisa të shohë fytyrat e lavireve! Kështu, kur ishte në qelinë e vet, aty shkoi një grua dhe u mundua ta joshte e ta kandiste, por ai nuk pranoi. Atëherë ajo shkoi te një bari dhe fjeti me të. Më vonë ajo lindi një fëmijë dhe nxori fjalë se ai ishte fëmija i Xhurejxhit. Njerëzit atëherë shkuan tek ai, ia shkatërruan qelinë e adhurimit, e përzunë prej saj dhe e poshtëruan shumë. Xhurejxhi mori avdes dhe u fal, pastaj iu afrua fëmijës dhe i tha: “O foshnjë! Kush është babai yt? Fëmija u përgjigj: “Bariu” (Pasi e dëgjuan këtë), njerëzit i thanë: “Do të ta bëjmë qelinë prej ari, por ai u tha: “Jo, me asgjë tjetër, përveç baltës”.
3. Një grua nga Beni Israilët, ishte duke i dhënë gji fëmijës, kur aty pranë kaloi një kalorës, një djalosh i pashëm. Ajo u lut: “O Allah! Ma bëj fëmijën si ky! Atëherë fëmija e la gjirin e nënës dhe tha: “O Zot! Mos më bëj si ai!”, pastaj vazhdoi të thithte gjirin. (Ebu Hurejra shtoi: “Sikur e shoh edhe tani Pejgamberin sal-lallahu alejhi ve sel-lem, duke thithur gishtin e tij, si për ta treguar me të vërtetë). “Pas pak, aty pranë kaluan disa njerëz me një vashë robinë, ndërsa gruaja i pa dhe u lut: “O Zot! Mos ma bëj fëmijën si kjo!” Ndërkaq fëmija e la gjirin e së ëmës dhe tha: “O Allah! Më bëj edhe mua si ajo!” Kur e ëma e pyeti pse kështu, fëmija iu përgjigj: “Kalorësi është njeri gjakatar e shtypës, ndërsa kjo skllave fajësohet pa të drejtë se ka vjedhur dhe se ka bërë imoralitet.”

Buhariu me nr. 3436

Një shkrim tjetër i dobishëm  Hasedi është një sëmundje psiqike
Tags:

Categories

Archives