Friday, 26/5/2017 | : : UTC+0
Mjeksia Islame
Mjeksia Islame

Ah, sikur të mos martohesha!


Ah, sikur të mos martohesha!


martesa marohesha

Ah, sikur të mos martohesha!

Më erdhi me fytyrë të trishtuar, me gjoks të ngushtuar, shfrynte dhe flaka veç sa nuk i dilte. I thash: Hair inshaAllah?
Ma ktheu: Ah, sikur të mos isha martuar, do t’isha i qetë dhe pa brenga.
I thash: Po çka po të shqetëson nga martesa?
Ma ktheu: Ndoshta… diçka tjetër!
I thash: Ke për qëllim gruan tënde?

Më tha: Po.
I thash: Çka po ankon nga ajo?
Ma ktheu: Thuaj çka nuk po ankoj në atë!
I thash: Mendon se gjërat çka nuk je i kënaqur prej saj, janë më shumë se ato gjërat që je i kënaqur?
Lëvizi kokën e tij pandërprerë, si mbështetje dhe pëlqim të saj që thash!
I thash: Ndoshta po ankohesh se ajo nuk po të nënshtrohet ty?
Më shikoi në sy dhe më tha: Po.
I thash: Derdhjen e lotëve të shumtë atëherë kur polemizon dhe debaton?
U shfaq tek ai çudia dhe tha: Po, po.
I thash: Edhe inatin e tepërt?
Edhe më shumë iu shtua çudia: Sikur ti të jetoje me ne!
I thash: Po e kthen kujdesin e saj për ty pas kalimit të disa muajve të martesës së parë?
Më tha: Sikur të ka folur për atë dikush, pos meje!
E vazhdova bisedën time, duke e pyetur: Po e kujton kujdesin e shtuar për ty pasi jeni furnizuar me fëmijë?
Më tha: Atëherë ti din gjithçka?!
I thash: Merre veten me të mirë, o vëllai im dhe më dëgjo!
U qetësuan nga ai ndjenjat e hidhërimit dhe ngushtimit të cilat iu ishin shfaqur atij, dhe në vend të tyre iu zëvendësua dëshira e vërtetë dhe e qartë për të dëgjuar, dhe më tha: Urdhëro!
I thash: Atëherë kur blen çfarëdo aparature, si e përdor atë?
Tha: Sipas të dhënave që gjinden në udhëzuesin që e ka përgatitur prodhuesi i saj.
I thash: Mirë, ku i gjen këto të dhëna?
Tha: Në doracakun e vogël, që gjendet i bashkangjitur me aparaturën.
I thash: Kjo është e bukur. Sikur të supozojmë se një person ka blerë një aparaturë të rrymës, dhe në doracakun e vogël ka ardhur se ajo mund të përdoret vetëm në rrymën me 120 volt, megjithatë konsumatori ka lidhur atë me rrymë në 240 volt. Ma ndërpreu dhe më tha: Digjet aparatura menjëherë…!
I thash: Le të supozojmë se një person dëshiron të marrë pjesë në garat e shpejtësisë së makinave me makinën e tij që ecën vetëm 180 km/h përballë makinave që arrijnë shpejtësinë deri në 300 km/h .
Me shpejtësi më tha: Nuk do të fitoj në garë.
I thash: Po supozojmë se e kemi pyetur dhe na është përgjigjur se do ta shtypë gasin deri në fund, më tha: Kjo nuk do t’i bëj dobi, le t’i jep gas sa të dojë sepse shpejtësia nuk do të arrij më shumë se 180 km/h.
I thash: Pse?

Një shkrim tjetër i dobishëm  BËHU NJERI QË LE GJURMË TË MIRË

U përgjigj: Kështu e ka projektuar, projektuesi i saj.
I thash: Edhe Allahu, azze ue xhel-le, kështu e ka krijuar gruan!
Me tha: qke per qellim me kete?
I thash: Ky është mentaliteti i gruas prej të cilës po ankohesh, atë ashtu e ka krijuar Allahu, azze ue xhel-le, dhe sikur të lexoje natyrshmërinë e gruas në doracakun e të dhënave për atë, nuk do të kërkoje nga ajo atë që e kërkon nga mashkulli!
Tha: Cilin doracak të të dhënave ke për qëllim?
I thash: A nuk e ke lexuar hadithin e Muhamedit, alejhi selam: “Dëgjoni porosinë time, ndaj grave bëjuni të kujdesshëm, sepse ato janë të krijuara nga brinjët. Briri anën më të lakuar e ka pjesën e epërme. Po deshe ta drejtosh, ai do të thyhet, e po e le ashtu siç është, do të ngelë i lakuar. Dëgjojeni pra porosinë time për gratë!”
U përgjigj: Gjithsesi, e kam lexuar.
I thash: Më lejo të të them se atë që po e kërkon nga bashkëshortja jote i përngjanë pronarit të makinës që shpejtësia e saj është e kufizuar në 180km/h.
Më tha: Kjo nënkupton se bashkëshortja ime nuk më përgjigjet mua, ashtu siç nuk i përgjigjet makina pronarit të saj, i cili ka shkelur gasin deri në fund që të tejkaloj shpejtësinë e kufizuar në 180km/h?
I thash: Përafërsisht.
Më tha: Çka nënkupton “përafërsisht”?
I thash: Përkujto hadithin e Muhamedit, alejhi selam, kur na ka lajmëruar se vërtet gruaja është krijuar nga brinjët, dhe ky bri është natyrshmëria e gruas, që nëse burri dëshiron ta drejtojë, dështon dhe e thyen bririn.
U përgjigj: Ashtu sikur digjet aparatura që është e prodhuar për rrymën 120 volt, nëse e futë në 240volt.
I thash: E ke goditur!
Më tha: Kjo a nuk nënkupton se në gruan ka mangësi?!
I thash: Mangësi në një anë dhe begati në anën tjetër, e kjo gjendet edhe tek meshkujt por me një fotografi të përafërt, mangësia e gruas krahasohet me bollëkun e burrit dhe bollëku i gruas krahasohet me mangësinë e burrit.
Tha: Ma shpjego bollëkun dhe mangësinë në çka e ka?
I thash: Kthehu me mua tek briri për të cilin na ka lajmëruar Muhamedi, alejhi selam, dhe përpiqu ta paramendosh atë duke i dhënë gji foshnjës së saj me trup të drejtuar, apo duke e veshë-mbathur e përqafuar atë në gjoksin e saj.
U përgjigj: Kjo është e vështirë, nuk ka mundësi të paramendohet një gjë e tillë që fëmija të thithë, përveçse duke qenë nëna me trup të lakuar, e as ta veshë-mbathë apo ta përqafoj në gjoksin e saj pa u përkulur.
I thash: Paramendo se çdo përkujdesje e nënës për familjarët nuk bëhet përveçse e përkulur.
U përgjigj: A ky është sekreti i krijimit të gruas nga briri?!

I thash: Po!

——————————————
Përshtati: Hoxhë Valdet Kamberi

Categories

Archives